نوشہرو فیروز (رپورٹ: محمد علی ملک) ڈپٹی کمشنر نوشہرو فیروز نے یوم پاکستان موقع پر قومی پرچم لہرایا موٹر وے پولیس کنڈیارو کی جانب سے یوم پاکستان جوش و جذبے سے منایا گیا۔ تفصیلات کے مطابق شہر بھر میں یوم پاکستان کی مناسبت سے پرچم کشاٸی کی تقریبات منعقد اور ریلیاں نکالی گئیں، ڈپٹی کمشنر محمد تاشفین عالم نے قومی پرچم کشائی کی اور پاکستان کے استحکام کے لئیے دعا مانگی۔
تقریب میں سول سوسائٹی صحافیوں سمیت تمام ضلعی افسران نے شرکت کی پرچم کشاٸی کے موقع پر پولیس کے چاک وچوبند دستے نے قومی پرچم کو سلامی پیش کی ڈی آئی جی ساؤتھ زون شاہد جاوید کی خصوصی ہدایت پر موٹروے پولیس کی جانب سے یوم پاکستان جوش و جذبے سے منایا گیا یوم پاکستان کی تقریب کا انعقاد کنڈیارو ٹول پلازہ پر کیا گیا موٹروے پولیس کی جانب سے پرچم کشائی کی تقریب منعقد کی گئی موٹروے پولیس نے قومی ترانے کی دھن پر سبز ہلالی پرچم کو سلامی پیش کی تقریب کے اختتام پر موٹروے پولیس کی جانب سے روڈ یوزرز میں تحائف تقسیم کئے گئے تقریب کے اختتام پر وطن عزیز کی ترقی و سربلندی کے لیے دعا کی گئی۔
