ٹنڈو آدم (رپورٹ: رضوان احمد غوری) حاجی روشن دین ہائر سکینڈری اسکول گرین سٹی کیمپس میں طلباء کے لیے مختلف کھیلوں کی سہولیات دینے کی ایک تقریب منعقد کی گئی، تفصیلات کے مطابق ٹنڈو آدم کے معروف حاجی روشن دین ہائر سکینڈری اسکول گرین سٹی کیمپس میں طلباء کے لیے مختلف کھیلوں کی سہولیات دینے کی ایک تقریب منعقد کی گئی ان سہولتوں میں باسکٹ بال، والی بال، بیڈمنٹین، ٹیبل ٹینس، تھرو بال کے لیے کورٹ شامل ہیں تقریب کے مہمان خصوصی ڈائریکٹر پاپولر گروپ آف انڈسٹریز ملک ذوالفقار روشن علی تھے گرین سٹی میں اسکول پہنچنے پر اسکول ایڈمنسٹریٹر سر محمد سلیم نے مہمان خصوصی کا شاندار استقبال کیا پھولوں کی پتیاں نچھاور کرنے کے ساتھ ہار پہنائے گئے اسکول کے اساتذہ اور اسٹاف سے بھی تعارف کرایا۔
تقریب سے خطاب کرتے ہوئے آپ نے طلباء کے لیے دی جانے والی سہولتوں کی تعریف کی آپ نے اپنے خطاب میں کہا کہ ایک صحت مند معاشرہ کے لیے کھیلوں کا فروغ انتہائی ضروری ہے کھیل سے طلباء میں ڈسپلن قائم ہوتا ہے اور وہ معاشرے کا ایک ذمہ دار شہری بنتا ہے۔ انہوں نے اسکول میں کھیلوں سے متعلق دی جانے والی سہولتوں کا معائنہ کیا اسپورٹس انچارج افضل محمود نے مہمان خصوصی کا کھلاڑیوں سے تعارف کروایا آخر میں کھلاڑیوں کا مہمان خصوصی کے ساتھ گروپ میں فوٹو سیشن بھی کیا گیا۔