ٹنڈو آدم (رپورٹ: رضوان احمد غوری) سندھ ایکشن کمیٹی کی جانب سے نواب شاہ میں ہونے والے واقعہ کے خلاف ٹنڈو آدم میں سیاسی و سماجی تنظیموں کا پریس کلب پر احتجاج، تفصیلات کے مطابق سندھ ایکشن کمیٹی کی جانب سے نواب شاہ کے علاقے نواب ولی محمد میں ہونے والے واقعہ کے خلاف ٹنڈو آدم میں سیاسی و سماجی تنظیموں نے لطیف گیٹ سے پریس کلب تک احتجاجی ریلی نکالی۔ مظاہرین نے حکومت سندھ اور پولیس کے خلاف سخت نعرے بازی کی ٹنڈو آدم کی مختلف تنظیموں سندھ پاک تحریک، عوامی تحریک، ایس یو پی، جسقم، جسم، جے یو آئی، شہری اتحاد سمیت دیگر پارٹی اور سول سوساٸٹی کے رہنماؤں شاہجہان جونیجو، کامریڈ محمد خان پنھور، باغی مجاھد تھیم، سرور ابڑو، ساگر دھراج، دودو پنھور، غفور کیریو سمیت دیگر کی قیادت میں احتجاجی مظاہرہ کیا گیا۔
اس موقع پر شرکاء کا کہنا تھا کہ بھنڈ برادری کے پانچ بے گناہ افراد کو قتل کیا گیا حکومت سندھ کی بے حسی کے باعث دو دن سے نعشیں روڈ پر پڑی ہیں واقعہ کا مقدمہ اب تک درج نہیں ہورہا نہ ہی ملوث ملزمان گرفتار کیے گٸے مظاہرین نے چیف جسٹس سپریم کورٹ سے مطالبہ کیا کہ پانچ بے گناہ مظلوم ہاریوں کا مقدمہ درج کر کے فوری طور پر قاتلوں کو گرفتار کیا جائے اور واقعہ کا فوری سوموٹو ایکشن لے کر مظلوموں کو انصاف فراہم کیا جائے۔
