اسلام آباد (نوپ نیوز) وزیراعظم عمران خان نے وزارت خارجہ کا دورہ کیا- تفصیلات کے مطابق وزیراعظم کی زیر صدارت وزارت خارجہ میں اہم اجلاس ہوا جس میں وزیرخارجہ شاہ محمود قریشی، سیکریٹری خارجہ تہمینہ جنجوعہ اور دیگر حکام بھی بریفنگ میں موجود تھے، وزیراعظم کو پاکستان کے بیرونی ممالک سے تعلقات، مقبوضہ کشمیر کی صورتحال اور پاک بھارت تعلقات پر بریفنگ دی گئی وزیراعظم عمران خان کے وزارت خارجہ کے دفتر پہنچنے پر وزیر خارجہ شاہ محود قریشی اور سیکریٹری خارجہ تہمینہ جنجوعہ نے ان کا استقبال کیا۔
