میرپورخاص (رپورٹ: ایم ہاشم شر) وکیل لیاقت سھتو پر حملہ کیس/ انسداد دہشتگردی میرپورخاص کی عدالت نے ملزمان کی درخواست ضمانت رد کردی۔ 4 ملزمان عدالت کے احاطے سے گرفتار کرلیئے گئے۔ کیس کے تفشیشی افسر انسپیکٹر مصطفی تھیبو نے الیاس، عمران، نعمان اور محمد ایان کو گرفتار کرلیا۔ انسپیکٹر مصطفی تھیبو نے بتایا کہ ملزمان ضلعی بار ایسوسی ایشن عمرکوٹ کے سینئر عہدیدار وکیل لیاقت سھتو پر حملے اور دہشتگردی واقع کے کیس میں ضمانت پر تھے ضمانت رد ہونے پر گرفتار کيا۔ ملزمان کا کل ریمانڈ لیا جائے گا ملزمان کے خلاف 10 جنوری کو سیٹلائیٹ ٹاؤن پولیس اسٹیشن میں مقدمہ درج ہوا تھا۔
