کراچی (رپورٹ: ذیشان حسین) ڈی آئی جی ساؤتھ شرجیل کھرل کی سربراہی میں کرونا وائرس سے بچاؤ کے لیے ایک میٹنگ ڈی آئی جی ساؤتھ آ فس میں ہوئی۔ ایس ایس پی ساؤتھ شیراز نذیر نے اس حوالے سے تفصیلی پریزینٹیشن دی۔ ڈی آئی جی ساؤتھ نے پولیس افسران سے اپنے خطاب میں کہا کہ نا صرف ہم نے خود بلکہ اپنی فیملی کو اس بیماری سے محفوظ رکھنا ہے بلکہ لوگوں کو اس حوالے سے آ گاہی دینی ہے۔ ہسپتالوں میں کرونا کے آئیسولیشن وارڈ قائم کیے گے ہیں۔ عوام کو اس حوالے سے آ گاہی دی جائے۔ تھانے کا مخصوص عملہ جو ہر وقت سائلین سے ملتا ہے ان کو تربیت اور آگاہی دی جائے۔ صفائی ستھرائی کا خاص خیال رکھا جائے۔ ماسک لگائے جائے۔ ہینڈ سینیٹائزر کا استعمال ضرور کیا جائے۔ وہ اہلکار جو عوامی مقامات پر کئی گھنٹے ڈیوٹی انجام دیتے ہیں ان تمام اہلکاروں کو گورنمنٹ اور یونیسیف کی طرف سے جو ہدایات جاری کی گئی ہے اس پر سختی سے عمل کرایا جائے۔پولیس کو خود معلومات ہونگی تو وہ کسی کی مدد کر سکے گی۔ ساؤتھ پولیس کے تمام تھانوں میں مرحلہ وار تربیت کا آغاز کردیا ہے، تمام اہلکار ماسک استعمال کرینگے۔ آخر میں افسران میں کٹ تقسیم کی گئی۔
