اسلام آباد (بیورو رپورٹ) سپریم کورٹ نے وزیر ریلوے شیخ رشید احمد کو کل طلب کرلیا۔ تفصیلات کے مطابق سپریم کورٹ میں ریلوے خسارہ سے متعلق کیس کی سماعت ہوئی جسٹس اعجاز الاحسن نے ریمارکس دیتے ہوۓ کہا کہ سپریم کورٹ کا ریلوے سے متعلق آڈٹ رپورٹ پر اظہار برہمی، آپ کا ریکارڈ کمپیوٹرائز ہونے کے بجائے مینول ہے، ریلوے کو اربوں روپے کا خسارہ ہو رہا ہے، رپورٹ نے واضح کر دیا، چیف جسٹس گلزارا حمد نے کہا کہ ریلوے کا نظام چل ہی نہیں رہا، دنیا بلٹ ٹرین چلا کر مزید آگے جا رہی ہے، ریلوے کا پورا محکمہ سیاست میں پڑا ہوا ہے، محکمہ ریلوے سے مسافر اور نہ ہی مال گاڑیاں چل رہی ہیں، ریلوے پر سفر کرنے والا ہر فرد خطرے میں سفر کر رہا ہے، ریلوے میں کوئی چیز درست انداز میں نہیں چل رہی ہے، آج بھی ہم پاکستان میں 18ویں صدی کی ریل چلا رہے ہیں، چیف جسٹس نے وکیل سے استفسار کیا کہ ریلوے میں جو آگ لگی تھی اس معاملے کا کیا ہوا؟ وکیل ریلوے نے جواباً کہا کہ معاملے کی انکوائری ہوئی ہے 2 افراد کے خلاف کارروائی ہوئی، جس پر چیف جسٹس گلزار احمد کا اظہار برہمی چولہے میں پھینکیں اپنی کارروائی، ریلوے کے سی او عدالت میں پیش کیوں نہیں ہوئے؟ سابق سی او کو نوٹس گیا ہے موجودہ کو نہیں، وکیل ریلوے کا جواب۔ اہم کیس تھا موجودہ سی او کو پیش ہونا چاہیے تھا،چیف جسٹس گلزار احمد۔ سپریم کورٹ نے ریلوے خسارہ کیس کی سماعت کل تک ملتوی کردی۔
