ورجینیا/ امریکا (نوپ نیوز) امریکا میں تعینات سفیر پاکستان محمد اسد خان نے ورجینیا کامن ویلتھ یونیورسٹی رچماؤنڈ ورجینیا میں منعقدہ تقریب بعنوان "ابھرتے ہوۓ علاقائی منظر نامے میں پاکستان کا نقطہ نظر” سے طلباء اور فیکلٹی ممبران سے خطاب کرتے ہوئے کہا کہ اقوام عالم کو کشمیر میں انسانی بحران پر خصوصی توجہ دینے کے کی ضرورت ہے۔ انہوں نے بھارتی حکومت کے ظالمانہ لاک ڈاؤن کے بارے میں حاضرین کو آگاہ کیا۔ بھارت کا مقبوضہ جموں و کشمیر میں جبری لگاۓ جانے والا کرفیو اب تیسرے مہینے میں داخل ہوچکا ہے جس سے مقبوضہ کشمیر غذا اور ادویات کا بحران پیدا ہورہا ہے۔ مقبوضہ کشمیر کی صورتحال سے جنوبی ایشین خطے میں امن و استحکام کو بہت خطرات لاحق ہیں۔
