بنوں (رپورٹ: جنید وزیر) بنوں میں فائرنگ کے دو مختلف واقعات میں سیاسی جماعت کی طلبا تنظیم کا عہدیدار اور ہاکی کا مقامی کھلاڑی جاں بحق ہوگیا۔ تفصیلات کے مطابق بنوں اسپورٹس کمپلیکس کے قریب گھات میں بیٹھے مسلح ملزمان کی فائرنگ سے ہاکی کھلاڑی ضیا الرحٰمن جاں بحق۔ واردات کے بعد ملزمان باآسانی فرار ہونے میں کامیاب ہوگئے۔ اطلاع ملنے پر پولیس نے موقع پر پہنچ کرلاش کو اسپتال منتقل کیا۔ ضیا الرحٰمن واپڈا کی طرف سے ہاکی کھیلتے تھے۔ دوسرے واقعے میں بنوں سٹی میں نامعلوم افراد کی فائرنگ سے انصاف اسٹوڈنٹس فیڈریشن کا کارکن گوہر جاں بحق ہوگیا-
