پشاور (رپورٹ: اصغر خان) ایس ایس پی آپریشنز پشاور ظہور بابر آفریدی کا پولیس اسسٹنس لائنز آفس کا دورہ۔ دورے کے موقع پر ایس ایس پی آپریشنز نے پال آفس کے ریکارڈ کا جائزہ لیا اور ساتھ میں سیکیورٹی انتظامات بھی چیک کیے۔ انہوں نے پال آفس میں آئے ہوئے سائلین سے ملاقات کی اور ان کے مسائل فوری حل کرنے کے لئے انچارج پولیس اسسٹنس لائنز کو احکامات جاری کیے۔ پال آفس میں موجود اسٹاف سے مسائل سنے اور موقع پر فوری حل کرنے کی ہدایت جاری کیں۔ مزید پال آفس کے تعمیراتی کاموں کا جائزہ بھی لیا۔ انہوں نے ٹریفک ٹریننگ اسکول کا بھی دورہ کیا اور انتظامات کا جائزہ لیا۔
