میرپورخاص (رپورٹ: ایم ہاشم شر) میرپورخاص ڈگری جھڈو روڈ پر ٹرک بجلی کی تاروں سے ٹکرا گیا ایک شخص جانبحق ایک جھلس کر شدید زخمی ہوگیا۔ ڈگری کے نواحی گاؤں فتح خان نوحانی میں ٹرک بجلی کی تاروں سے ٹکرا گیا جس کے نتیجے میں ایک نوجوان وسایو ولد روپو موقع پر کرنٹ لگنے سے جانبحق ہوگیا جبکہ دوسرا شخص جیون ولد کانیو شدید زخمی ہوا۔ زخمی شخص کو تشویشناک حالت میں ورثا حیدرآباد لے گئے ہیں۔ پولیس کے مطابق بجلی کی تاروں میں ٹکرانے سے ٹرک میں آگ بھڑک اٹھی جس سے حادثہ ہوا ہے۔
