اسلام آباد (بیورو رپورٹ) وزیراعظم عمران خان پیر کو 2 روزہ دورے پر ملائیشیا جائیں گے۔ ملائیشین ہم منصب ڈاکٹر مہاتیر محمد سے ملاقات میں دو طرفہ تعلقات اور تجارت و سرمایہ کاری کے فروغ پر بات چیت کی جائے گی۔ میڈیا رپورٹس کے مطابق وزیراعظم عمران خان کے دورہ ملائیشیا کا شیڈول تیار کرلیا گیا ہے۔ وزیراعظم عمران خان 3 فروری کو 2 روزہ دورے پر ملائیشیا روانہ ہوں گے۔ وزیر اعظم عمران خان ملائشین ہم منصب ڈاکٹر مہاتیر محمد سے بھی ملاقات کریں گے۔ جبکہ 4 فروری کو پاکستان اور ملائشیا کے درمیان وفود کی سطح پر مذاکرات ہوں گے۔ مذاکرات میں دوطرفہ تعلقات اور تجارت و سرمایہ کاری کے فروغ پر بات چیت کی جائے گی۔ واضح رہے کہ وزیراعظم عمران خان کا اقتدار سنبھالنے کے بعد سے اب تک ملایئشیا کا دوسرا دورہ ہے۔
