سیالکوٹ (بیورو رپورٹ) سیالکوٹ کے علاقے تھانہ کوٹلی سید امیر کے علاقے میں پولیس کی فائرنگ سے سیلزمین مارا گیا۔ تفصیلات کے مطابق تھانہ کوٹلی سید امیر کے علاقہ کمانوالہ روڈ پر نواحی قصبہ بوتھ کا رہائشی عادل دکان پر سیلزمین تھا کچھ عرصہ قبل دکان پر ڈکیتی کی واردات ہوئی تھی اور دکان کا مالک عادل پر شک کرتا تھا اسی معاملے پر دونوں میں تلخ کلامی ہوئی تھی جس کے بعد عادل نے پستول نکال کر فائر کر دیا۔ فائر کی آواز سن کر قریب ہی سی این جی پر بیٹھے پولیس اہلکار موقع پرآگئے جنہوں نے عادل کو روکنے کی کوشش کی جس کے بعد دونوں میں تلخ کلامی شروع ہو گئی۔ لڑائی جھگڑے کے بعد ایک دوسرے پر فائرنگ کے دوران پولیس والوں کی فائرنگ سے عادل مارا گیا۔ پولیس تھانہ کوٹلی سید امیر نے واقعہ کی تحقیقات شروع کر دی ہیں۔
