مانسہرہ (رپورٹ: عتیق سلیمانی) انسداد پولیو مہم 16 تا 20 دسمبر 2019 ضلعی انتظامیہ کی نگرانی میں جاری ہے جس میں محکمہ صحت کی ٹیمیں گھر گھر جا کر 5 سال تک کی عمر کے بچوں کو پولیو کے قطرے پلا رہی ہیں۔ ڈپٹی کمشنر ایبٹ آباد عامر آفاق کی خصوصی ہدایات پر ایڈیشنل اسسٹنٹ کمشنر ماروی ملک، محکمہ صحت اور محکمہ پولیس کے افسران پولیو مہم کی نگرانی اور بچوں کو پولیو کے قطرے پلارہے ہیں تاکہ ضلع ایبٹ آباد کے دور افتادہ علاقوں میں رہنے والے بچوں تک بھی پولیو ویکسین کی فراہمی کو یقینی بنایا جائے۔ اس کے علاوہ ڈپٹی کمشنر ایبٹ آباد کی صدارت میں پولیو ایوننگ ریویو میٹنگ کا انعقاد کیا جاتا ہے جس میں پولیو ٹیموں کی دن بھر کی کارکردگی کا جائزہ جبکہ اگلے دن کے حدف اور لائحہ عمل طے کیا جاتا ہے۔
