کراچی (رپورٹ: ذیشان حسین) سابق رکن قومی اسمبلی سلمان مجاہد بلوچ ایڈوکیٹ کا سینئر صحافی و رپورٹر نیوز ون ایس ایم عرفان کے انتقال پر دلی رنج و غم کا اظہار و لواحقین سے تعزیت۔ تفصیلات کے مطابق سابق رکن قومی اسمبلی سلمان مجاہد بلوچ نے اپنے ایک بیان میں کہا ہے کہ سینئر رپورٹر نیوز ون ایس ایم عرفان کے انتقال پر دلی رنج و غم ہے۔ انہوں نے اظہار تعزیت کرتے ہوئے ایس ایم عرفان کے اہل خانہ سے اظہار تعزیت کی اور دعا کی کہ اللہ تعالی انہیں یہ صدمہ برداشت کرنے کی ہمت عطا فرمائے۔ ایس ایم عرفان کی ناگہانی وفات سے آج صحافت کا ایک روشن و درخشاں باب بند ہوگیا۔ دعا گو ہوں کہ ایس ایم عرفان مرحوم کو اللہ تعالی غریق رحمت کرے، انکے درجات بلند کرے اور انکی کامل مغفرت فرمائے۔ اللہ تعالی ایس ایم عرفان کے لواحقین کو صبر جمیل عطا کرے اور انھیں یہ صدمہ برداشت کرنے کی ہمت و حوصلہ عطا فرمائے۔ آمین۔
