ڈیرہ اسماعیل خان (رپورٹ: گوہر غنچہ) قاتلانہ حملہ میں ایک شخص شدید زخمی، علاقہ گرہ مور چہکان میں مسلح ملزم نے خواتین کے تنازع پر فائرنگ سے مخالف نوجوان زخمی کردیا، زخمی کو ہسپتال منتقل کردیا گیا، پولیس نے مقدمہ درج کرلیا۔ پولیس کے مطابق تھانہ صدر کی حدود میں واقع علاقہ گرہ مور چہکان میں مسلح ملزم رضوان نے پسٹل کی فائرنگ سے اپنے مخالف نوجوان اسلم ولد بشیر احمد کو شدید زخمی کردیا اور موقع سے فرارہوگیا۔وجہ عداوت خواتین کا تنازع بیان کیا گیا ہے۔ صدر پولیس زخمی شخص کی رپورٹ پر ملزم کے خلاف اقدام قتل کی دفعہ کے تحت مقدمہ درج کرلیا۔
