غزہ (ویب ڈیسک) قابض اسرائیلی فوج نے وادی اردن کے شمال میں فلسطینی گاﺅں بردلہ کی پانی کی سپلائی کاٹ دی۔ مقامی رہنما دیر صوافطہ نے کہا کہ اسرائیلی فوجیوں نے گاﺅں پر دھاوا بولا اور پانی کے کنوﺅں کو بغیر کسی وجہ سے بند کر دیا جہاں سے مقامی رہائشیوں کو پانی کی سپلائی مہیا کی جاتی تھی۔ اسرائیلی فوج کی جانب سے لوگوں کو علاقہ چھوڑنے کے لئے مجبور کرنے کی کوششوں کے طور پر گاﺅں کو پانی کی سپلائی پہلے بھی کئی مرتبہ بند کی جا چکی ہے۔
