لندن (سپورٹس ڈیسک) ورلڈ کپ 2019 سے قبل دوسرے وارم اپ میچ میں آسٹریلیا نے سری لنکا کو 5 وکٹوں سے ہرادیا۔ ساؤتھ ایمٹن میں کھیلے گئے دوسرے وارم اپ میچ میں سری لنکا نے ٹاس جیت کر پہلے بیٹنگ کرنے کا فیصلہ کیا۔ سری لنکا نے آسٹریلیا کے خلاف مقررہ 50 اوور میں 8 وکٹوں کے نقصان پر 239 رنز بنائے، تھریمانے 56 اور ڈی سلوا 43 رنز بناکر نمایاں رہے۔ کینگروز کی جانب سے زیمپا نے 2، اسٹارک، کیومنز، رچرڈسن اور میکسویل نے ایک ایک کھلاڑی کو آؤٹ کیا۔ آسٹریلیا نے سری لنکا کا 240 رنز کا ہدف بآسانی 5 وکٹوں کے نقصان پر پورا کیا، کینگروز کی جانب سے عثمان خواجہ 89، میکسویل نے 36 اور مارش 34 رنز بناکر نمایاں رہے۔سری لنکا کی جانب سے ویندرسے نے 2، پردیپ، ڈی سلوا اور سری وردانا نے ایک ایک کھلاڑی کو آؤٹ کیا۔ یاد رہے کہ اس سے قبل آسٹریلیا نے انگلینڈ اور افغانستان نے پاکستان کو وارم میچ میں شکست دی تھی جبکہ جنوبی افریقا نے سری لنکا کو باآسانی ہرایا تھا۔
