راجن پور (رپورٹ: انعام باری) راجن پور ریسکیو 1122 کےاہلکار برکت علی سے تین مسلح ڈاکوؤں نے پسٹل دیکھا کر مو ٹر سائیکل چھین لی۔ ریسکیو اہلکار اپنی ڈیوٹی ختم کر کے واپس رات کو اپنے گھر جا رہا تھا۔ مسلح ڈاکو ہونڈا 125 پر تھے جبکہ ریسکیو اہلکار سی ڈی موٹر سائیکل پر تھا۔ واقعہ رات کو ساڑھے آٹھ بجے جام پور میں ڈیرہ روڈ لاجواب فیکٹری کے سامنے ہوا۔ مزاحمت پر مسلح ڈاکوؤں نے ریسکیو اہلکار پر پسٹل سے فائر کیا جو کہ خوش قسمتی سے اسے نہیں لگا۔ ریسکیو اہلکار کے پاس موبائل اور پرس بھی تھا جس میں دس ہزار روپے تھے ڈاکوؤں نے وہ بھی چھین لیے اور موقع سے فرار ہو گئے۔ واقعے کی اطلاع 15 پر دی گئی جس کے بعد پولیس موقع پر پہنچ گئی اور کاغذی کاروائی کی۔
