ٹنڈو آدم (رپورٹ: رضوان احمد) تبدیلی سرکار کا کارنامہ سندھ کے صنعتی و تجارتی شہر ٹنڈو آدم سے ریلوے کارگو کی سہولت ختم کردی گئی۔ گھریلو دستکاری سے وابستہ تین سو سے زائد خاندان کا بے روزگار ہونے کا خدشہ۔ تاجروں کا سہولت بحال کرنیکا مطالبہ۔ تفصیلات کے مطابق گزشتہ دور حکومت میں ٹنڈو آدم کے تاجروں اور گھریلو دستکاری سے وابستہ کاریگروں کی مصنوعات جس میں ہاتھ سے بنی ہوئی گاڑیوں کی سجاوٹ کا سامان، چمڑے سے بنی چپلیں، سرخ و ہری مرچیں، سوتی کپڑا سمیت دیگر اشیاء کو پنجاب کے مختلف شہروں تک رسائی کیلیے عوام ایکسپریس میں دو سو کلو وزن تک کا کوٹہ مختص کیا تھا جیسے موجودہ حکومت نے ختم کرکے تاجروں، چھوٹے صنعتکاروں اور زمینداروں کیلیے مشکلات پیدا کردیں ہیں۔ ریلوے اسٹیشن سے سامان کی بندش سے ایک طرف تو ریلوے کو لاکھوں روپے ماہانہ کی آمدن بند ہوگئی ہے تو دوسری طرف تین سو سے زائد گھروں میں ہینڈی کرافٹ کا کام کرنیوالے سینکڑوں مزدور جن میں زیادہ تعداد خواتین کی ہے بے روزگار ہوکر معاشی تنگدستی کا شکار ہوسکتے ہیں۔ ٹنڈو آدم میں سامان کی ترسیل بزریعہ ریل بند ہونے کے بعد تاجربرادری میں شدید بے چینی پائی جارہی ہے۔
