ڈیرہ اسماعیل خان (رپورٹ: گوہر غنچہ) بزرگ شہریوں کی پنشن میں اضافے کا نوٹیفکشن جاری کردیا گیا، وزیراعظم کے مشیر خاص کی سفارش پر ای او بی پنشن میں 20 فیصد اضافہ ہوگیا۔ تفصیلات کے مطابق بزرگ شہریوں کیلئے ای او بی آئی پنشن میں اضافے کا نوٹیفیکشن جاری کردیا گیا ہے۔ وزارت خزانہ کی جانب سے جاری نوٹیفیکشن کے مطابق بزرگ شہریوں کیلئے ای او بی آئی پنشن میں 20 فیصد اضافہ کیا گیا ہے۔ وفاقی حکومت نے بزرگ شہریوں کے لیے ای او بی آئی نے پنشن 20 فیصد بڑھانے کا اعلان گزشتہ برس کیا تھا۔ تاہم اس اعلان کی منظوری اب دی گئی ہے۔ پنشن میں اضافے کی منطوری وزارت خزانہ نے دی ہے۔ پہلے ای او بی آئی کی جانب سے بزرگ شہریوں کو پنشن 5250 سے روپے دی جاتی تھی تاہم اب بزرگ شہریوں کو ماہانہ 6500 روپے ملا کریں گے۔
