ٹنڈو آدم (رپورٹ: رضوان احمد غوری) بلوچستان کی تحصیل نصیرآباد کے گاؤں امان اللہ کھوسہ کے رہائشی پریمی جوڑے فوزیہ بنت اوغان دایو اور محمد اسلم ولد علی حیدر ابڑو نے حیدرآباد میں اوتھ کمشنر کے روبرو پیش ہوئے جہاں پر دوشیزہ فوزیہ نے بیان دیا کہ میں محمد اسلم ابڑو سے شادی کی خواہش مند ہوں اوتھ کمشنر کی اجازت کے بعد فوزیہ دایو نے اپنے پریمی محمد اسلم ابڑو سے شادی کرلی فوزیہ نے میڈیا سے گفتگو کرتے ہوئے کہا کہ میں نے محمد اسلم ابڑو سے شادی کی ہے اس پر میرے والدین ناراض ہیں اور انہوں نے مجھے اور میرے شوہر کو کاروکاری قرار دے دیا ہے انہوں نے کہا کہ میرے والدین کسی بھی وقت ہمیں جانی نقصان پنہچا سکتے ہیں انہوں نے کہا کہ زندگیوں کو خطرات لاحق ہونے کی وجہ سے ہم چھپ چھپ کر زندگی گزارنے پر مجبور ہیں انہوں نے سندھ حکومت سے مطالبہ کیا ہے کہ ہمیں تحفظ دیا جائے۔
