ڈیرہ اسماعیل خان (رپورٹ: گوہر غنچہ) ڈیرہ شہر سمیت مضافاتی علاقوں میں آوارہ کتوں کی بہتات ہوچکی ہے جس کے باعث شہری شام کے بعد اور نماز فجر کے لئے گھروں سے نکلنے میں خوف محسود کرتے ہیں۔ دوسری جانب اسکول جانے والے طلباء و طالبات کو بھی آوارہ کتوں کی وجہ سے شید خطرات لاحق ہیں۔ خواتین کا کہنا ہے کہ اب گلیوں میں معصوم بچے اپنے گھروں کے باہر کھیل بھی نہیں سکتے۔ شہریوں نے اس حوالے سے ڈپٹی کمشنر ڈیرہ سے مطالبہ کیا ہے کہ میونسپل کمیٹی ڈیرہ کی انتظامیہ کو آوارہ کتوں کو تلف کرنے کا پابند بنایا جائے تاکہ شہری بلاخوف و خطر معمولات زندگی جاری رکھ سکیں۔
