کراچی، (رپورٹ، ذیشان حسین/اسپورٹس رپورٹر) پاکستان میں ٹیپ بال کرکٹ کے فروغ کے لیے بڑی پیش رفت سامنے آئی ہے، پاکستان ٹیپ بال پریمیئر لیگ (PTPL) اور پاپولر گروپ آف انڈسٹریز کے درمیان اہم اشتراک کا معاہدہ طے پا گیا۔ معاہدے پر سی ای او پی ٹی پی ایل خرم مجید اور ایم ڈی پاپولر گروپ شہباز علی ملک نے دستخط کیے، جبکہ گروپ ڈائریکٹر عمران روشن سمیت دیگر شخصیات بھی موجود تھیں۔
معاہدے کے تحت 2026 میں ایک میگا ٹیپ بال کرکٹ ٹورنامنٹ منعقد کیا جائے گا، جس کے لیے کراچی اور لاہور میں سے کسی ایک شہر کا انتخاب بعد میں کیا جائے گا۔ ملک بھر کے نمایاں ٹیپ بال اسٹارز اس ایونٹ میں حصہ لیں گے۔
تقریب سے خطاب میں ایم ڈی پاپولر گروپ شہباز علی ملک نے کہا کہ کھیلوں کے فروغ سے نوجوانوں کو مثبت سرگرمیوں کی طرف لایا جا سکتا ہے۔ ’’جب میدان آباد ہوتے ہیں تو اسپتال ویران ہو جاتے ہیں،‘‘ انہوں نے کہا۔ پی ٹی پی ایل کے سی ای او خرم مجید نے پاپولر گروپ کے تعاون کو کھیل کے مستقبل کے لیے خوش آئند قرار دیا۔
۔
