سندھ اسمبلی میں اراکین کی تنخواہوں اور مراعات میں اضافے کا بل متفقہ طور پر منظور

کراچی، (رپورٹ، ذیشان حسین) سندھ اسمبلی نے اراکین اسمبلی کی تنخواہوں اور مراعات میں اضافے کا بل متفقہ طور پر منظور کرلیا۔ صوبائی وزیر قانون ضیاء لنجار نے بل ایوان میں پیش کیا، جسے شق وار منظوری کے بعد حتمی شکل دی گئی۔ دلچسپ امر یہ ہے کہ اپوزیشن اراکین نے بھی بل کی مخالفت نہیں کی۔ اس قانون کے تحت اراکین اسمبلی کی تنخواہوں اور الاؤنسز میں اضافہ کیا جائے گا، جس کا اطلاق منظوری کے بعد ہوگا۔