جامشورو، (ویب نیوز) جامعہ سندھ میں تعلیمی سال 2026ء کے بیچلرز پروگرامز میں داخلوں کے لیے پری انٹری ٹیسٹ کا انعقاد کیا گیا جس میں 9,341 امیدواروں نے حصہ لیا جن میں 1,801 طالبات شامل تھیں۔ وائس چانسلر پروفیسر ڈاکٹر فتح محمد مری نے ٹیسٹ کے انتظامات کا جائزہ لیا اور اطمینان کا اظہار کیا۔
ڈاکٹر مری نے کہا کہ داخلہ ٹیسٹ کو دو مرحلوں میں تقسیم کرنے سے رش کم ہوا اور انتظامی امور بہتر رہے انہوں نے بتایا کہ داخلوں کے لیے 11 ہزار نشستیں مختص ہیں جبکہ مجموعی طور پر 22 ہزار درخواستیں موصول ہوئیں ٹیسٹ کے دوران سخت سکیورٹی انتظامات کیے گئے، والدین کے لیے پارکنگ اور بیٹھنے کی سہولت فراہم کی گئی، جبکہ 140 رضاکار امیدواروں کی رہنمائی پر مامور تھے۔ پہلا مرحلہ کامیابی سے مکمل ہونے کے بعد دوسرا مرحلہ 19 اکتوبر کو منعقد ہوگا۔
