گلگت (بیورو رپورٹ) کے ٹو کی مہم جوئی کے دوران دو روز قبل لاپتہ ہونے والے پاکستانی کوہ پیما علی سدپارہ سمیت 3 کوہ پیماؤں کا تیسرے روز بھی سراغ نہ مل سکا۔ ہیلی کاپٹرز سے آج بھی 7000 میٹر کی بلندی سے سرچ کیا گیا، کل سرچ آپریشن خصوصی سرویلینس طیارے کے ذریعے کرنے اور سخت موسمی حالات کے باعث زمینی تلاش ختم کرنے کا فیصلہ کیا گیا تھا۔ موسم سرما کے دوران کے ٹو سر کرنے کی مہم جوئی کے دوران علی سد پارہ اور دو غیر ملکی کوہ پیما 5 فروری کو لاپتا ہوگئے تھے۔
