کراچی ( نوپ نیوز) جعمیت علماء اسلام سندھ کے ڈپٹی سیکریٹری اطلاعات مولانا سمیع الحق سواتی نے اپنے جاری بیان میں کہا ہے کہ کراچی کے مختلف مقامات پر سیوریج لائنیں بندش کے باعث ناپاک پانی مساجد میں پانی داخل ہورہا ہے، نئی سبزی منڈی کے عقب میں واقع جونجھار گوٹھ کی مرکزی جامع مسجد میں سیوریج کا پانی بھر گیا۔
ناپاک پانی داخل ہونے کے باعث دو روز سے مسجد میں نمازیں نہیں ادا نہیں ہو رہی ہیں۔مساجد میں سیوریج کا غلیظ پانی داخل ہونا لمحہ فکریہ ہے۔ گندے پانی کے داخل ہونے کے باعث مساجد ویران ہونا اللہ کے عذاب کو دعوت دینا ہے۔ کل سے حکام سے رابطہ کیا ہے لیکن حکومتی نمائندوں کے کان پر جوں نہیں رینگ رہی۔ حکومتی وزراء ٹھنڈے کمروں میں بلند و بانگ دعوے کر رہے ہیں شہر کی مساجد تک ڈوب رہی ہیں۔ جامع مسجد صدیق اکبر کے سامنے بند سیوریج لائن فی الفور کھلوائی جائے۔ مسجد کے چاروں اطراف سے ناپاک پانی مسلسل مسجد کی محراب تک پہنچ چکا ہے۔
