کراچی (رپورٹ: ذیشان حسین) یوم آزادی کی 75 ویں سالگرہ کی تقریبات کے حوالے سے عید گاہ میدان ناظم آباد پر یوم آزادی انٹر ڈسٹرکٹس ٹی-20 کرکٹ ٹورنامنٹ کا آغاز (آج) مورخہ 2 بجے کمشنر کراچی محمد اقبال میمن کرینگے۔ ایونٹ آرگنائزر اور کمشنر کراچی کے اسپورٹس کوآرڈینٹر غلام محمد خان کے اعلامیہ کے مطابق ٹورنامنٹ کا افتتاح یکم اگست کو ہونا تھا مگر بارش کے باعث افتتاحی کو تقریب ملتوی کردیا گیا جس کا باقاعدہ افتتاح آج ہوگا۔
غلام محمد خان نے بتایا کہ تقریبات کے حوالے سے کھیلوں کے ایونٹ میں باسکٹ بال، ہاکی، اسکوائش، ٹینس اور گدھا گاڑی ریس منعقد ہونگی جس میں شہر کے تمام ضلع سے نوجوانوں کی شرکت یقینی بنایا جائیگا۔
