اجلاس کی صدارت وزیر برائے اعلیٰ تعلیم پنجاب جناب رانا سکندر حیات خان نے کی۔
ایجنڈا نکات محترمہ صائمہ فرمان، رجسٹرار و سیکریٹری سنڈیکیٹ، نے پیش کیے۔
کمالیہ (ایڈیٹر ڈاکٹر غلام مرتضیٰ) یونیورسٹی آف کمالیہ کی سنڈیکیٹ کا پانچواں اجلاس پنجاب ہائر ایجوکیشن کمیشن (PHEC)، لاہور کے کمیٹی روم میں منعقد ہوا۔ اجلاس کی صدارت وزیر برائے اعلیٰ تعلیم پنجاب جناب رانا سکندر حیات خان نے کی۔ اجلاس میں پروفیسر ڈاکٹر یاسر نواب (وائس چانسلر، یونیورسٹی آف کمالیہ)، ڈاکٹر فرخ نوید (سیکریٹری، محکمہ ہائر ایجوکیشن)، ڈاکٹر منصور بلوچ (چیف آپریٹنگ آفیسر، PHEC)، ڈاکٹر محمد اشرف (وائس چانسلر، یونیورسٹی آف لاہور)، جناب ریاض فتیانہ (رکن قومی اسمبلی)، جناب بابر یعقوب فتح محمد (سابق سینئر سول سرونٹ)، محترمہ رابعہ سلطان، محترمہ زاہدہ اظہر (ایڈیشنل سیکریٹری)، جناب شاہد امتیاز (محکمہ قانون)، جناب انعام شاہ (ڈپٹی سیکریٹری)، اور محکمہ خزانہ کے نمائندے نے شرکت کی۔ ایجنڈا نکات محترمہ صائمہ فرمان، رجسٹرار و سیکریٹری سنڈیکیٹ، نے پیش کیے۔ اجلاس میں سنڈیکیٹ نے متعدد اہم انتظامی، تدریسی اور حکمت عملی سے متعلق امور کی منظوری دی، جن میں یونیورسٹی کا اسٹریٹجک پلان (2025–29)، نئے تعلیمی پروگرامز اور شعبہ جات کا آغاز، فیکلٹی اور عملے کی بھرتی کے قواعد، داخلے کے معیار، ایچ ای سی کی پالیسیوں کو اپنانا، بین الاقوامی اشتراک، اور مختلف اہم کمیٹیوں اور مشاورتی بورڈز کا قیام شامل ہے۔ سنڈیکیٹ نے وائس چانسلر کےصنعت پر مبنی پروگرامز متعارف کروانے اور مہارت پر مبنی نتیجہ خیز نظامِ تعلیم کے وژن کو سراہا۔ یہ اقدامات یونیورسٹی آف کمالیہ کے تعلیمی وژن اور انتظامی ترقی میں ایک نمایاں پیش رفت کی حیثیت رکھتے ہیں۔
