کراچی، (رپورٹ، ذیشان حسین) سندھ ہائی کورٹ نے کراچی واٹر اینڈ سیوریج کارپوریشن (KWSC) کو شہر کے 6 ہائیڈرینٹس کے لیے نئی نیلامی یا کسی قانونی عبوری انتظام کا فیصلہ دو ماہ کے اندر کرنے کا حکم دیا ہے۔
عدالت نے کہا کہ یہ فیصلہ تمام متعلقہ فریقوں کو سننے کے بعد شفاف طریقے سے کیا جائے، تاکہ عوامی مفاد اور سرکاری ریونیو کا تحفظ یقینی بنایا جا سکے۔ عدالت نے موجودہ انتظامات کو فوری طور پر غیر قانونی قرار دینے سے گریز کیا اور کہا کہ معاملہ ابھی متعلقہ اتھارٹی کے زیر غور ہے۔
درخواست گزار نے کہا تھا کہ 2023 میں دیے گئے ہائیڈرینٹس کے معاہدے ختم ہونے کے باوجود وہی کنٹریکٹرز بغیر نئی نیلامی کے کام جاری رکھے ہوئے ہیں۔ عدالت نے کہا کہ آئندہ اقدامات قانون، شفافیت اور مساوی مواقع کے اصولوں کے مطابق کیے جائیں۔
