لاہور (بیورو رپورٹ) ڈالر کی اونچی اڑان اور روپے کی قدر میں کمی کے باعث موٹرسائیکل مینوفیکچرز نے چینی موٹر سائیکلوں کی قیمت میں 2 ہزار سے 10 ہزار روپے اضافے کا اعلان کر دیا۔ موٹر سائیکل مینوفیکچرز کے مطابق گذشتہ دو سے تین ماہ میں ڈالر کی قیمت روپے کے مقابلے تقریبا 7 فیصد بڑھ چکی ہے جس کے باعث موٹر سائیکلوں کی قیمت میں اضافہ ناگزیر ہے۔ بتایا گیا ہے کہ 70 سے 125 سی سی کی موٹر سائیکل کی قیمت میں 3 ہزار روپے، 100 سی سی موٹر سائیکل رکشہ کی قیمت میں 5 ہزار روپے اور لوڈر موٹر سائیکل کی قیمت میں 10 ہزار روپے تک کا نومبر میں اضافہ کر دیا جائے گا۔
