کراچی (رپورٹ: ذیشان حسین) لیاری جنرل اسپتال کے شعبہ گائینی کو فعال کر دیا گیا، سینئیر پروفیسر انجم رحمان کی زیر نگرانی بہترین کام جاری، جبکہ کام نہ کرنے والی ڈاکٹر روزینہ یاسر، ڈاکٹر انیلہ امجد مسائل کی وجہ بن گئیں، ذرائع کے مطابق مذکورہ دونوں ڈاکٹرز کے خلاف شکایات کے انبار موجود ہیں جنھوں نے منظم سازش اور اثر و رسوخ کا استعمال کرکے سینئیر پروفیسر ڈاکٹر انجم رحمان کو عہدے تک سے ہٹوا دیا تھا، انکے عہدے سے ہٹنے کے باعث اسپتال میں مریضوں کو شدید دشواریوں کا سامنا تھا، گائینی کی مریضوں کو قدم قدم پر مشکلات درپیش ہوگئی تھیں، اسپتال میں اہم آپریشن اور سرجری ہونا بھی بند ہوگئی تھی جب مریضوں کی شکایات حکام با لا تک پہنچیں تو انہوں نے فوری طور پر سینئیر پروفیسر انجم رحمان کودوبارہ لیاری جنرل اسپتال میڈیکل کالج میں پرنسپل تعینات کردیا جسکے بعد شعبہ گائینی بھی فعال ہوگیا-
