مانسہرہ (رپورٹ: عتیق سلیمانی) ڈی پی او مانسہرہ صادق بلوچ کی ہدایات پر مانسہرہ پولیس نے سماج دشمن عناصروں کے خلاف کاروائیاں کرتے ہوۓ دوران سرچ اینڈ سٹرائیک آپریشن کرتے ہوۓ غیر قانونی اسلحہ رکھنے والے افراد کے خلاف کاروائیاں کرتے ہوۓ مجموی طور پر 31 پستول، 2 عدد کلاشنکوف، 4 رائفلز، 8 بندوقیں اور 2043 کارتوس برآمد کرکے اسلحہ آرڈیننس کے تحت 12 مقدمات درج کیے۔ اسی طرح منشیات فروشوں کے خلاف کاروائیاں کرتے ہوۓ 8 کلو 172 گرام چرس برآمد کرکے منشیات ایکٹ کے تحت 7 مقدمات درج کرکے 7 ملزمان کو گرفتار کیا گیا۔ لینڈ مافیا کے خلاف 1 مقدمہ جبکہ حساس مقامات/ ہوٹل پر سکیورٹی کے ناقص انتظامات پر 12 سیکورٹی آرڈیننس کے تحت 6 مقامات کے خلاف مقدمات کیے گئے۔ غفلت اور بے احتیاطی سے موٹر سائیکل اور گاڑی چلانے پر 2 افراد کے خلاف 279 پی پی سی کے تحت مقدمات درج کیے گئے۔ کرایہ کے مکان کی رجسٹریشن متعلقہ تھانے میں نہ کروانے پر 10 آر بی ایس او کے تحت 2 مقدمات درج کئے گئے۔ شادی بیاہ کی تقریبات میں ہوائی فائرنگ کرنے پر فائرنگ ایکٹ کے تحت 1 مقدمہ درج کیا گیا۔ لاؤڈ سپیکر کے بے دریغ استعمال پر لاؤڈ سپیکر ایکٹ کے تحت 1 مقدمہ درج کیا گیا۔ علاوہ ازیں 22 مشتبہ افراد کو گرفتار کرکے انکے خلاف کاروائی انسدادی عمل میں لائی گئی۔
