کراچی، (رپورٹ، ذیشان حسین) اسپیکر سندھ اسمبلی سید اویس قادر شاہ نے پاکستان، سعودی عرب اور ترکیہ کے تاریخی مشترکہ دفاعی معاہدے کا خیرمقدم کرتے ہوئے اسے تینوں برادر ممالک کے مشترکہ دفاع، امن اور سلامتی کے عزم کا مظہر قرار دیا ہے۔
اس تاریخی معاہدے کے موقع پر سندھ اسمبلی کی عمارت کو خصوصی طور پر سجایا اور روشن کیا گیا جبکہ عمارت پر پاکستان، سعودی عرب اور ترکیہ کے قومی پرچم بھی نصب کیے گئے معاہدے کے خیرمقدم کے لیے اسمبلی کی عمارت پر خصوصی لائٹنگ کا بھی اہتمام کیا گیا۔
سید اویس قادر شاہ نے کہا کہ یہ تاریخی دفاعی معاہدہ پاکستان، سعودی عرب اور ترکیہ کے درمیان مضبوط برادرانہ تعلقات اور باہمی تعاون کی عکاسی کرتا ہے انہوں نے کہا کہ یہ معاہدہ تینوں ممالک کے محفوظ مستحکم اور خوشحال مستقبل کی جانب ایک اہم قدم ہے۔
