میرپورخاص/ میرواہ گورچانی (رپورٹ: ایم ہاشم شر) میرواہ گورچانی کے قریب گنے سے بھری 2 ٹریکٹر ٹرالیاں کراسنگ کرتے ہوئے الٹ گئیں حادثے میں 1 ڈرائیور موقع پر ہلاک دوسرا شدید زخمی۔ تفصیلات کے مطابق میرواہ گورچانی کے قریب ڈگری تھانے کی حدود چمبڑ روڑ آری ہوٹل اسٹاپ پر 2 تیز رفتار گنے سے بھری ٹریکٹر ٹرالیاں کراسنگ کرتے ہوئے الٹ گئیں حادثے کے نتیجے میں گوٹھ حاجی صدیق خاصخیلی کے رہائشی 25 سالہ ڈرائیور علی غلام خاصخیلی موقع پر ہی جانبحق ہوگیا جبکہ دوسرے ٹریکٹر کا ڈرائیور میوا رام کولہی شدید زخمی ہوگیا جسے فوری طور پر سول ہسپتال میرپورخاص منتقل کر دیا گیا۔ دوسری جانب حادثے میں جاں بحق ہونے والے علی غلام خاصخیلی کے ورثاء نعش بغیر کسی قانونی کارروائی کے اپنے ہمراہ لے گئے نعش گوٹھ پہنچنے پر کہرام مچ گیا جہاں پر نوجوان ڈرائیور کی نماز جنازہ ادا کر کے تدفین کر دی گئی۔ ڈگری پولیس کے مطابق حادثے کا مقدمہ درج نہیں کیا گیا تا ہم روڑ حادثے کی انٹری کر دی گئی ہے۔
