میرپورخاص (رپورٹ: ایم ہاشم شر) غریب آباد پولیس اسٹیشن کی حدود سیال گوٹھ میں پانچ روز قبل مبینہ قتل ہونے والی شادی شدہ خاتون شریمتی پنیا کے قتل کا مقدمہ درج۔ مقدمہ زیر دفعہ 322/34 پی پی سی کے تحت پونیا کے والد کی مدعیت میں مقتولہ کے شوہر نریش مالہی اور مقتولہ کی ساس کے خلاف درج کیا گیا ہے۔ مقتول خاتون کا شوہر اور ساس گھر کو تالا لگا کر فرار ہوگئے۔ مقتولہ پنیا کے والد تارا چند کا موقف ہے کہ میری نوجوان بچی کو قتل کیا گیا ہے مالہی برادری کے بااثر افراد سیاسی جماعت کے رہنماء جرگہ کرکے میری بچی کے خون کا سودا کر رہے ہیں مجھے ایف آئی آر سے دستبردار ہونے کے لئے ہراساں کیا جارہا ہے۔ ملزمان کی گرفتاری نہیں ہونے دی جارہی ہے۔
