کراچی (رپورٹ: ذیشان حسین) کمشنر کراچی کے دفترمیں خصوصی افراد کے عالمی دن کے موقع پر اسپیشل افراد کی واک کا انعقاد ڈس ایبل ویلفئر ایسوسی ایشن کے عہدے داروں اور ارکان نے کمشنر کراچی افتخار شالوانی سے ملاقات کی اس موقع پر ایسوسی ایشن کے ارکان نے کمشنر کراچی کے دفتر میں عالمی دن برائے ڈس ایبل کے حوالے سے واک کااہتمام کیا جس میں کمشنر کراچی کمشنر کراچی دفتر کے افسران اور عملہ کے مختلف ارکان نے بھی شر کت کی اس موقع پر کمشنر کراچی افتخار شالوانی نے واک میں شریک خصوصی افراد سے علیحدہ علیحدہ ملاقات کی انھوں نے کہا کہ خصوصی افراد کے لئے پارکوں میں خصوصی سہولتیں فراہم کی جائیں گی۔ پارکوں میں ریمپ بنائے جائیں گے اور ان کی رسائی کو آسان بنایا جائے گا کمشنر نے کہا کہ متعلقہ اداروں کو احکامات جاری کئے جائیں گے ڈس ایبل ویلفئر ایسوسی ایشن کے صدر جاوید رئیس اور دیگر نے کمشنر کراچی سے اظہار تشکر کیا۔
