سیالکوٹ (رپورٹ: سیدہ نزہت شہناز) سیالکوٹ کےعلاقہ موضع ہڑر میں محکمہ سوئی گیس کے ریجنل مینجر عمران ساہی نے وفاقی وزیر اور ایم ڈی گوجرانوالہ کی ہدایت پر گیس چوری کے خلاف مہم کے دوران 11ملین روپے کی گیس چوری پکڑ لی۔ موضع ہڑر کا رہائشی محمد منیر ربڑ کی گیندوں کے کارخانہ میں مین پائپ کے ساتھ ڈائریکٹ جوڑ لگا کر گیس چوری کر کے 20 عدد بھٹیاں چلا رہا تھا محکمہ گیس کے عملہ عثمان حبیب ایگزیکٹو انجنئیر نے ہمراہ ٹیم چھاپہ مار کر گیس چوری پکڑلی۔ صارف منیر کے خلاف تھانہ مراد پور میں ملزم منیر کے خلاف گیس چوری کا مقدمہ درج، پولیس شامل تفتیش ہے۔
