کراچی (رپورٹ ذیشان حسین) جاپانی قونصل جنرل توشی کازو ایسومورا اور قونصلیٹ کے پولیس اتاشی یوکیو ماتسوموتو نے کراچی پولیس چیف ڈاکٹر امیر احمد شیخ سے کراچی پولیس آفس میں ملاقات کی۔ملاقات میں کراچی میں سیکیورٹی کے معاملات باہمی امور پر تبادلہ خیال کیا گیا۔ قونصل جنرل جاپان نے کراچی پولیس چیف کی جانب سے کراچی میں اٹھائے گئے حالیہ اقدامات کی تعریف کی جس میں سرفہرست گشت پر مامور پولیس اہلکاروں سے بڑا اسلحہ واپس لےکر چھوٹے ہتھیاروں سے مسلح کرنے کا فیصلہ اور شہری علاقوں میں کمیونٹی پولیسنگ کا قیام شامل ہے۔ کراچی پولیس چیف نے ملاقات کے اختتام پر مہمانوں کا شکریہ ادا کیا اور انھیں سندھی اجرک کا تحفہ پیش کیا۔
