ڈیرہ اسماعیل خان (رپورٹ: گوہر غنچہ) مرکزی انجمن تاجران کے صدر راجہ اختر علی نے کہا ہے کہ ریجنل پولیس آفیسر فلائیٹ لیفٹیننٹ (ر) سید امتیاز شاہ کی جانب سے جواء خانوں، منشیات فروشوں، سود خوروں اور بالخصوص آئس جیسے خطرناک نشہ کیخلاف پولیس کو دی جانے والی ہدایات کا خیر مقدم کرتے ہیں۔ جواء، منشیات اور سود معاشرے کیلئے لعنت ہیں، منشیات کے استعمال سے نوجوان نسل تباہ ہو رہی ہے، آر پی او ڈیرہ فلائیٹ لیفٹیننٹ (ر) سید امتیاز شاہ کی ہدایات پر ہم امید رکھتے ہیں کہ ڈیرہ اسماعیل خان پولیس منشیات فروشوں، سود خوروں، جواریوں اور آئس جیسے خطرناک نشہ کیخلاف اپنی کاروائیوں کو مزید تیز کرے گی اور معاشرے کے یہ ناسور سلاخوں کے پیچھے ہوں گے۔
