اسلام آباد (بیورو رپورٹ) ائیر فورس حکام کے مطابق ونگ کمانڈر نعمان اکرم اس وقت جہاز سے نکل سکتے تھے جب طیارہ بلیو ایریا کے اوپر تھا لیکن انہوں نے آبادی کو بچانے کے کیے یقینی بنایا کہ جہاز کا رخ درختوں والے حصے کی طرف کر دیں۔ باخبر ذرائع نے بتایا کہ ایف 16 طیارہ آب پارہ مارکیٹ کے اوپر خراب ہوا، اس وقت ونگ کمانڈر نعمان اکرم کے پاس سیف ایجیکشن کا آپشن موجود تھا لیکن نیچے آبادی تھی جس پر انہوں نے آبادی کو بچانے کیلئے طیارے کو قریبی جنگلات اور پہاڑیوں کی طرف موڑدیا۔ ڈپٹی کمشنر اسلام آباد حمزہ شفقات نے شہید نعمان اکرم کی تعریف کرتے ہوئے کہا کہ میں کریش سائٹ پہ تھا۔ اس نے اپنی جان دیکر کئی سویلینز کی زندگیاں اور اہم املاک بچالیں۔ نعمان اکرم نے پاک چائنہ فرینڈشپ سنٹر، آب پارہ مارکیٹ، سرینہ ہوٹل کو بچانے کیلئے درختوں والے حصے کا رخ کیا۔
