نواب شاہ (بیورو رپورٹ) کیمسٹ اینڈ ڈرگسٹ ایسوسی ایشن نوابشاہ کے صدر دیدارحسین رند نے اپنے عہدے سے استعفیٰ دیدیا۔ تفصیلات کے مطابق دیدار حسین رند جو نواب شاہ کیمسٹ اینڈ ڈرگسٹ ایسوسی ایشن کے صدر تھے انہوں نے آج اپنے عہدے سے استعفیٰ دیدیا ہے اپنے استعفی میں انہوں نے اپنی ذاتی مصروفیات کی وجہ بتائی ہے واضع رہے کہ کچھ روز قبل ضلع انتظامیہ شہید بینظیرآباد کو عوام کی جانب سے مہنگے داموں پر ماسک کی فروخت اور غیر معیاری ادویات و بغیر لائسنس چلنے والے میڈیکل اسٹورز کی شکایات موصول ہوئی تھیں جس پر ضلع انتظامیہ نے مختلف میڈیکل اسٹورز پر چھاپے مارے تھے اور میڈیکل اسٹور سیل کئے تھے اس سلسلے میں دیدار حسین رند نے ضلع بھر میں میڈیکل اسٹور بند کرانے کی کوشش کی تھی دیدار حسین رند جو محکمہ فوڈ میں چوکیدار ہونے کے باوجود اپنی ڈیوٹی سرانجام نہ دینے پر ڈپٹی کمشنر شہید بینظیرآباد ابرار احمد جعفر کی جانب سے محکمہ فوڈ کے اعلی حکام کو خط لکھنے کے بعد مذکورہ ملازم کو معطل بھی کیا گیا ہے۔
