ملائیشیا کے آٹھویں وزیراعظم کی حیثیت سے محی الدین نے اپنے عہدے کا حلف لے لیا

کوالالمپور (رپورٹ: عامر وقاص چوہدری) ملائیشیا کے آٹھویں وزیراعظم کی حیثیت سے محی الدین نے اپنے عہدے کا حلف لے لیا۔ 72 سالہ وزیراعظم محی الدین مہاتیر محمد کی کیبنٹ میں وزارت داخلہ کے قلمدان پر براجمان تھے۔ ملائیشیا کے ساتویں وزیر اعظم ڈاکٹر مہاتیر محمد نے گزشتہ ہفتے اپنے عہدے سے استعفیٰ دیا تھا جس کے بعد سیاسی بحران پیدا ہوا تھا۔