ڈیرہ اسماعیل خان (رپورٹ: گوہر غنچہ) اگلے ماہ پٹرول کی قیمتوں میں 10 روپے کمی کا امکان، تفصیلات کے مطابق عالمی منڈی میں خام تیل کی قیمتوں میں تاریخی کمی ہوئی ہے جسکے بعد قیمت 53 ڈالر فی بیرل تک آگئی، اس وجہ سے آئندہ ماہ پٹرولیم مصنوعات کی قیمتوں میں10 روپے فی لیٹر تک کمی کا امکان ظاہر کیا جا رہا ہے۔ ذرائع کا کہنا ہے کہ برنٹ آئل مارکیٹ میں خام تیل کی قیمت 58 ڈالر 45 سینٹ اور کروڈ آئل مارکیٹ میں 53 ڈالر 44 سینٹ فی بیرل ہوگئی ہے۔ گزشتہ دو ماہ کی نسبت عالمی مارکیٹ میں خام تیل کی قیمت میں 17 ڈالر فی بیرل تک کمی آئی ہے، جس کے باعث آئندہ ماہ پٹرولیم مصنوعات کی قیمتوں میں 10 روپے فی لیٹر تک کمی کا امکان ہے۔ اس وقت پاکستان میں پٹرول کی قیمت 116.6 روپے فی لیٹر ہے، کمی کے بعد قیمت 106 روپے فی لیٹر ہونے کا امکان ہے۔
