میرپورخاص (رپورٹ: ایم ہاشم شر) این ٹی ایس کا امتحان پاس کرنے والے جونیئر الیمنٹری اسکول ٹیچرز 178 امیدواروں میں سے پچاس امیدواروں کو آج پوسٹنگ آرڈر ملنے کی تقریب گورنمنٹ ہائر سیکنڈری اسکول بھانسنگ آباد میں منعقد ہوئی، تقریب میں ڈائریکٹر تعلیم میرپورخاص دیدار جلبانی اور ڈی او پرائمری میر نیاز ٹالپر نے پچاس امیدواروں میں پوسٹنگ آرڈرز تقسیم کیئے، جبکہ مزید 128 امیدواروں کو آرڈرز نہ ملنے پر امیدواروں نے احتجاج کیا اور بتایا کہ تمام کاغذی کاروائی مکمل ہوئے آٹھ ماہ سے زائد کا عرصہ گزر چکا ہے لیکن 128 مزید امیدواروں کو ابھی تک پوسٹنگ آرڈرز نہیں دیئے گئے ہیں۔
