ڈیرہ اسماعیل خان (رپورٹ: گوہر غنچہ) مردوں کے بعد اب شہر میں ڈاکو حسینہ سامنے آگئی، ڈاکو حسینہ نے چنگ چی ڈرائیور سے قیمتی موبائل فون چھین کر مزاحمت پر ڈرائیور کو چاقو کے وار سے شدید زخمی کردیا، خاتون فرار ہونے میں کامیاب، چنگ ڈرائیور کو زخمی حالت میں ہسپتال منتقل کردیا گیا، پولیس نے خاتون کے خلاف اقدام قتل اور ڈکیتی کا مقدمہ درج کرکے اس کی تلاش شروع کردی، ڈیرہ اسماعیل خان شہر میں ڈکیتی اور چوری کی وارداتوں کے بعد اب ڈاکو حسینہ بھی سامنے آگئی، بستی درکھانوالی ڈیرہ اسماعیل خان کے رہائشی 32 سالہ سالہ منیر عباس اعوان ولد حق نواز نے پولیس کو بتایا کہ وہ چنگ چی چلاتا ہے، وقوعہ کے روز خاتون چنگ چی میں سوار ہوئی اور بنوں اڈہ کے قریب پہنچنے پر اس نے کال کرنے کے لئے میرا موبائل فون مانگا اور بعدازاں موبائل زبردستی چھین لیا، مزاحمت کرنے پر اس نے چاقو کے وار سے مجھے شدید زخمی کردیا اور موقع سے فرار ہونے میں کامیاب ہوگئی، زخمی کو طبی امداد کے لئے ہسپتال منتقل کردیا گیا، پولیس نے زخمی کی رپورٹ پر خاتون ڈاکو حسینہ سکنہ آڑہ کے خلاف اقدام قتل اور ڈکیتی کا مقدمہ درج کرکے اس کی تلاش شروع کردی ہے۔
