ڈیرہ اسماعیل خان (رپورٹ: گوہر غنچہ) ڈیرہ اسماعیل خان پہاڑ پور پولیس نے رنگپور اڈا پر کاروائی کے دوران پولیس کانسٹیبل سے دوران تلاشی دو پستول اور منشیات برآمد کرلی، پولیس اہلکار کے خلاف مقدمہ درج کرلیا گیا، پولیس ذرائع کے مطابق ایس ایچ او تھانہ پہاڑ پور انیس الحسن نے منشیات کے کاروبار میں ملوث ہونے کی شکایات پر رنگپور اڈا پر کاروائی کے دوران تھانہ کینٹ میں تعینات پولیس کانسٹیبل کرامت اللہ سے دوران تلاشی دو پستول 30 بور، 20 گرام ہیروئن، 90 گرام چرس اور17 کارتوس برآمد کرکے ملزم کو گرفتار کرلیا، پولیس نے اپنے ہی پیٹی بند بھائی کیخلاف منشیات اور غیر قانونی اسلحہ برآمد ہونے کا مقدمہ درج کرلیا ہے۔
