ڈیرہ اسماعیل خان (رپورٹ: گوہر غنچہ) پولیس اہلکار شادی شدہ خاتون کو بچی سمیت لے اڑا، شوہر پر بیوی کو طلاق دینے کے لئے دباﺅ اور سنگین نتائج کی دھمکیاں، پولیس نے مقدمہ درج کرلیا، پولیس ذرائع کے مطابق نیو خیر آباد کالونی ڈیرہ اسماعیل خان کے رہائشی نے تھانہ کینٹ میں رپورٹ درج کرائی کہ پولیس ایکس سروس مین میری بیوی کو ناجائز تعلقات کی بنا پر شادی کی غرض سے اغواء کر لیا ہے جبکہ وہ میری بیٹی کے ساتھ لے گئے ہیں۔ ملزم نے مجھے موبائل فون پراطلاع دی کہ میں تمہاری بیوی اور بیٹی کو لے گیا ہوں لہذا تم اپنی بیوی کو طلاق دو تاکہ میں اس کے ساتھ شادی کروں جبکہ میرے انکار پر اس نے مجھے سنگین نتائج کی دھمکیاں دی ہیں۔ پولیس نے ملزم کے خلاف شادی شدہ خاتون کو اغواء کرنے کے الزام میں مقدمہ درج کرلیا ہے۔
