میرپورخاص (رپورٹ: ایم ہاشم شر) صوبائی وزیر اقلیتی امور و خوراک سندھ ہری رام کشوری لال نے سانحہ تیزگام ٹرین میں شہید ہونے والے شہریوں کے لواحقین کے لئے سندھ حکومت کی طرف سے اعلان کردہ امدادی رقم منظور ہونے کا خیر مقدم کیا ہے۔ صوبائی وزیر اقلیتی امور و خوراک سندھ ہری رام کشوری لال کا ایک اور وعدہ ہوا وفا، سندھ گورنمنٹ نے سانحہ تیزگام ٹرین میں شہید ہونے والے شہداء کے لواحقین کو مالی امداد کی رقم کی منظوری دے دی، صوبائی وزیر ہری رام کشوری لال نے کہا ہے کہ سانحہ رحیم یار خان تیز گام ٹرین میں شہید ہونے والے 52 افراد اور زخمی ہونے والے 26 شہریوں کے لئے 2 کروڑ 50 ہزار منظور کر دیئے گئے۔ پاکستان پیپلزپارٹی اور سندھ حکومت آج بھی اس سانحہ پر لواحقین کے دکھ میں برابر کی شریک ہے۔ شہیدوں کی جان سے زیادہ کوئی چیز اہمیت کی حامل یا قیمتی نہیں۔ کتنے افسوس کی بات ہے وفاقی وزیر ریلوے شیخ رشید احمد اور محکمہ ریلوے زخمی افراد کو صرف پچاس ہزار کے چیک تھاما دیئے تھے اعلان کردہ رقم تک سے مقر گئے۔ وفاقی حکومت فوری طور پر شہداء کے لواحقین کو اعلان کردہ رقم جاری کرے۔ صوبائی وزیر اقلیتی امور و خوراک سندھ ھری رام کشوری لال کی گزارش پر سانحہ رحیم یار خان تیز گام ٹرین میں شہید ہونے والے شہداء کے لواحقین سے تعزیت اور امدادی رقم کے لیے وزیراعلیٰ سندھ مراد علی شاہ میرپورخاصَ آئے تھے۔
